२६ वर्षमा किसान बहुउद्देश्यीय सहकारी, किसानको सारथी बन्दै

कैलाली, १७ कात्तिक

लम्कीचुहा नगरपालिका–१,लम्की कैलालीमा मुख्य कार्यालय रहेको किसान बहुउद्धेश्यीय सहकारी संस्था लिमिटेड २६ वर्षमा प्रवेश गरेको छ ।

२०५२ कार्तिक १७ गते तत्कालिन जिल्ला सहकारी डिभिजन तथा प्रशिक्षण कार्यालय, धनगढीमा सहकारी ऐन २०४८ अनुसार विधिवत रुपमा दर्ता भई स्थापना भएको थियो ।

तत्कालीन समयमा बैंक तथा वित्तिय संस्थाको उपस्थिती न्यून रहँदा स्थानियहरु वित्तिय सेवाबाट बन्चित रहेका कारण संस्थाको स्थापना गरिएको थियो । कृषिका लागि उर्वर मानिने पुर्वी कैलालीमा कृषकहरुले मल, खाद, बिउ विजनको अभाव खेपि रहुन परेको अवस्था थियो । यिनै अवस्थाहरुलाई सम्बोधन गर्ने सहकारी मोडेलमा जनताहरुलाई एकतावद्ध गरि बहुउदेश्यीय गतिविधिहरु सन्चालन गर्ने सोचाई अनुरुप स्था “किसान बहुउद्देश्यीय सहकारी संस्था लिमिटेड” नामाकरण गरी संस्था स्थापना भएको थियो ।

२५ जना शेयर सदस्यको ६० हजार ६ सय शेयर पूँजीबाट शुरु भएको संस्थाको कारोबार २ अर्बभन्दा बढी पुगेको छ । संस्थाले हाल कैलाली जिल्ला भरी २१ वटा सेवाकेन्द्रबाट सदस्यलाई वित्तीय सेवा प्रवाह गर्दै आएको छ । संस्थाले जिल्लाका सम्पूर्ण स्थानिय पालिकाहरु सम्म पहुँच विस्तार गरिसकेको छ । समयानुकुल संस्थागत विकासमा जोड दिई प्रविधिलाई आत्मसाथ गर्दै संस्था अघिबढेको छ । संस्थाले विशेषगरी ३ वटा मोडलमा काम गरिरहेको छ । वित्तीय सेवा, लघुवित्त सेवा र कृषि प्रवद्र्धन सेवा ।

वित्तीय सेवातर्फ लम्की, टीकापुर र जोशीपुरमा सेवाकेन्द्रहरु संचालनमा रहेका छन् भने जिल्लाका विभिन्न १८ स्थानहरुमा रहेका सेवाकेन्द्र मार्फत लघुवित्त सेवा प्रवाह गर्दै आएको छ । त्यसैगरी लम्की स्थित केन्द्रीय कार्यालयबाट रासायनिक मलखाद विक्री गर्दै आएको छ भने जानकी गाउँपालिकाको अमरावतीमा एकिकृत कृषि फर्म सन्चालन गरेको छ ।

करिब ५५ हजार महिलाहरु लघुवित्त कार्यक्रममा अवद्ध भएको संस्थाले जनाएको छ । संस्थाले एटिएम सेवा, मोबाईल बैंकिङ, एसएमएस बैंकिङ, ट्याबलेट बैंकिङ, मिस्डकल बैंकिङ लगायतका सेवा समेत प्रवाह गर्दै आएको छ ।

 

संस्थाको लक्ष्य

– संस्थाको कार्य क्षेत्रका सम्पूर्ण स्थानियतहका सबै वडाहरुमा सेवा विस्तार गर्ने ।

–  कार्य क्षेत्रमा रहेका कुल परिवार संख्याको कम्तीमा ६० प्रतिशत परिवारहरुमा वित्तिय सेवा पुर्याउने ।

– ‘एक घर एक स्वरोजगार’का नारा लिई गरिबी स्तर न्यूनीकरणमा सघाउने ।

– विद्यार्थी तथा विद्यालय वित्तिय साक्षरता कार्यक्रम मार्फत समुदायमा वित्तिय साक्षरता पुर्याउने ।

– संस्थाको दिगोपनाको लागि कोषलाई नियमित वृद्धि गर्दै लैजाने ।

– संस्थामा आवद्ध सम्पूर्ण सदस्यहरुलाई कोषमा आधारित सामाजिक सुरक्षा योजना सेवा उपलब्ध
गराउने ।

– सम्पूर्ण सदस्यहरुलाई उपलब्ध साधन स्रोतको प्रयोग गर्दै उद्यमी बन्न प्रेरित गर्ने ।

– संस्थाले प्रदान गरेका सेवाहरुबाट आफ्ना सदस्यहरुको जीवन स्तरमा क्रमिक सुधार
ल्याउने ।

– कृषि उत्पादन तथा उत्पादन पश्चातका मुल्य श्रृखला (Value Added) सेवाहरुका लागि कृषक
सदस्यको आय बृद्धिका कार्यक्रमहरु सञ्चालन गर्ने ।

– सामाजिक सुरक्षण सिद्धान्तहरुलाई पूर्ण रुपमा आत्मसात गर्ने ।