तिलोत्तमा सहकारीद्वारा सदस्यलाई स्वरोजगार बनाउने योजना पारित

बुटवल, ७ कात्तिक

श्री तिलोत्तमा बहुमुखी सहकारी संस्था लिमिटेड शंकरनगको २४ औं बार्षिक साधारण सभा सम्पन्न भएको छ । साधारण सभाले अध्यक्ष माधवलाल देवकोटाको बार्षिक कार्य प्रगति प्रतिवेदन, कोषाध्यक्ष प्रदिप पराजुलीको आर्थिक प्रतिवेदन र लेखा सुपरिबेक्षण समितिको प्रतिवेदन पारित गरेको छ ।

साधारण सभाले शेयर सदस्यहरुको हितकालागि सहुलियत सहकारी कर्जा कोष स्थापना गर्ने प्रस्ताव पारित गरेको छ । शेयर सदस्य संख्या थप गर्ने, विशिष्टिकृत संघसंग आवद्ध गर्ने, उत्पादन मुलक क्षेत्र, कृषि र त्यसको बजारीकरणमा लगानी बढाइ शेयर सदस्यहरुलाई स्वरोजगार बनाउने योजना सहितको अध्यक्षको प्रतिवेदन पारित गरेको हो ।

चालु आर्थिक बर्षकालागि ५ करोड ३४ लाख ६६ हजारको अनुमानित आय व्यय सहितको कोषाध्यक्षको आर्थिक प्रतिवेदन साधारण सभाले पारित गरेको छ । सहकारीको चुक्ता पुँजी ५ करोड १५ लाख ७७ हजार छ । जगेडा कोषामा करिब २ करोड रहेको छ । ३५ करोड २५ लाख निक्षेप संकलन गरेको सहकारीले ३१ करोड ४४ लाख कर्जा लगानी गरेको छ ।