बढी ब्याज लिने सहकारीलाई ५ लाख जरिवाना

काठमाडौं, ६ असोज

सहकारी संस्थाले सरकारले तोकेको भन्दा बढी ब्याज लिएमा ५ लाख रुपैयाँसम्म जरिवाना हुने कानुनी व्यवस्था रहेको छ ।

सहकारी ऐन–२०७४ को दफा १२५ अनुसार तोकेकोभन्दा बढी ब्याज लिने सहकारीलाई पाँच लाख रुपैयाँ सम्म जरिवाना गर्ने व्यवस्था छ ।

सरकारले असोज ५ (हिजो) सहकारीमा नयाँ ब्याजदर तोकेको छ । अब सहकारी संस्थाले कात्तिक १५ गतेदेखि १४.७५ प्रतिशतभन्दा बढी ब्याज लिन पाउने छैन । यदी बढी ब्याज लिएको अवस्थामा सहकारी विभागले कारबाही गर्ने प्रावधान रहेको छ ।

बढी ब्याज लिने सहकारीका विषयमा सदस्यहरु आफैले पनि नियामक निकायमा उजुरी दिन सक्नेछन् । यदी त्यस्तो भेटिएमा नियामक निकायले कारबाही गर्ने व्यवस्था रहेको छ ।