राष्ट्रिय सहकारी संघले सुटुक्क तोक्याे निर्वाचनको मिति, राजनीतिक भागभण्डाको विवाद कायमै

काठमाडौं १८ बैशाख । राष्ट्रिय सहकारी संघको नयाँ नेतृत्वका लागि आगामी साउन महिनामा अधिवेन हुने भएको छ । पुसमा भएको संस्थाको २०औं वार्षिक साधारणसभाले चैत मसान्तसम्मको नयाँ नेतृत्व परिव्तन गर्नु पर्ने भए पनि राजनितिक भाग नमिल्दा निर्वाचन हुन सकेको थिएन । स‌घको निर्वाचन साउन २२ र २३ गते गर्ने तयारी भएको बताइएको छ ।

गत चैत ३० गते बसेको संघको विशेष बैठकले सुटुक्क निर्वाचनका लागि सो मिति तय गरेको हो । हाल संघमा अध्यक्ष केशब बडाल रहेका छन् । संविधानसभाका सदस्य समेत रहेका संघका अध्यक्ष बडालको म्याद तीन महिनाका लागि लम्बिएको छ । मुलुकमा सहकारी संघ÷संस्थाहरुको छाता संगठनको रुपमा रहेको सो संघको निर्वाचनका लागि आवश्यक तयारीमा जुटेको संघले जानकारी दिएको छ ।

कानुन अनुसार संघको साधारणसभा पुष मसान्त सम्ममा गर्नुपर्ने भएपनि राष्ट्रिय सहकारी संघले बहाना बाजी गर्दै मिति तोकेको थिएन ।

संघको साधारणसभा ढिला हुनको प्रमुख कारण राजनीतीक भागभण्डाको कसरी गर्ने भन्ने विषयमा कुरा नमिल्नु नै मुख्य बिषय रहेको सहकारीकर्मीहरु बताउँछन ।

सहकारी बैंक र नेफ्स्कुनमा एमाले समुहको एकलौटी प्रवेशले समेत काँग्रेस र माओवादी निकटका सहकारीकर्मीलाई कसरी मिलाएर लैजाने भन्ने बिषय अन्यौल भएको उनिहरुको बुझाई छ ।

यो पनि पढ्नुस्