ब्याजदर अध्ययन गर्न उप समिति गठन, साउन महिना भित्रै प्रतिवेदन बुझाउनु पर्ने

काठमाडौं, १९ साउन

सन्दर्भ व्याजदर निर्धारण समितिले सहकारीको ब्याजदरबारे अध्ययन गरी सुझाव दिन उपसमिति बनाएको । आईतबार बसेको समितिको बैठकले राष्ट्रिय सहकारी महासंघकी वरिष्ठ उपाध्यक्ष ओमदेवी मल्लको संयोजकत्वमा उपसमिति गठन गरेको हो । समितिले सहकारी संघ संस्थाको ब्याजदरको अध्ययन गरी प्रतिवेदन बुझाउने छ । सोही प्रतिवेदनको आधारमा नयाँ ब्याजदर तोकिने छ ।

उपसमितिमा नेपाल राष्ट्र बैंकका केदार पोखरेल, सहकारी विभागका सुरेन्द्रराज पौडेल, नेपाल बचत तथा ऋण सहकारी केन्द्रीय सहकारी संघका अध्यक्ष परितोष पौड्याल र राष्ट्रिय सहकारी बैंकका प्रमुख कार्यकारी अधिकृत बद्री कुमार गुरागाई सदस्य रहनु भएको हो ।

उप समितिले वित्तीय बजार र सहकारी क्षेत्रको व्याजदर अध्ययन गरी प्रतिवेदन गर्नेछ ।

विभागले गत वर्ष साउन १९ गतेदेखि सहकारी संस्थाहरुले ऋणमा १६ प्रतिशतभन्दा धेरै व्याज लिन नपाउने गरी सन्दर्भ व्याजदर लागू गरेको थियो । व्याजदर तोकिएको एकवर्ष वितिसक्दा पनि यसको पुनरावलोकन भएको छैन ।