भुटानी शरणार्थीलाई सुर्यदर्शन साकोसको सहयोग

दकम (झापा) : सुर्यदर्शन बचत तथा ऋण सहकारी संस्था, दमकले बेलडागी स्थित भुटानी शरणार्थीलाई खाद्यान्न सहयोग गरेको छ ।

लकडाउनमा खानेकुराको अभाव सँगै भुटानी शरणार्थी शिविरमा संस्थाले २ हजार ५ सय केजी चामल वितरण गरिएको संस्थाका कार्यकारी प्रमुख अरुण भण्डारीले बताउनुभयो ।

प्रमुख जिल्ला अधिकारी, प्रहरी प्रमुख, जिल्ला सहकारी संघ, जिल्ला बचत संघका प्रमुखहरुको उपस्थीतिमा उक्त सहयोग वितरण गरिएको उहाँले जानकारी दिनुभयो । त्यसैगरी संस्थाले आफ्ना सदस्यहरुलाई कोरोनाकोभिड १९ बाट सुरक्षित रहन माक्स पनि वितरण गरेको थियो ।