सहकारी संस्था व्यवस्थापन गर्न नेफ्स्कूनको १९ बुँदे मार्गनिर्देशन

काठमाडौं, २९ चैत

नेपाल बचत तथा ऋण केन्द्रिय सहकारी संघ (नेफ्स्कून) सदस्य संघ/संस्थालाई सेवा व्यवस्थापन सम्बन्धी निर्देशन जारी गरेको छ । नेफ्स्कूनको शनिबार आफ्नो सदस्य संघ/संस्थाको लागि १९ बुँदे मार्गदर्शन निर्देशन जारी गरेको हो ।

महामारीको अवधिमा आपत्कालिन ऋण सेवा बाहेक अन्य ऋण लगानीको हकमा प्रति व्यक्ति प्राथमिक पूँजी कोषको ५ प्रतिशतमा नबढाउन नेफ्स्कूनले भनेको छ । त्यस्तै कम्तिमा २५ प्रतिशत तरलता सुनिश्चित गरेर मात्र ऋण सेवा प्रवाह गर्ने र १ वर्षभन्दा बढी अबधिका ऋण प्रवाहलाई निरुत्साहन गर्न आग्रह गरिएको छ ।

जोखिम व्यवस्थापनलाई सुरक्षित र प्रभावकारी बनाउन संचालक समितिका पदाधिकारीे संयोजक र व्यवस्थापन प्रमूख (व्यवस्थापक) सदस्य रहने गरी कम्तीमा तीन जनाको जोखिम व्यवस्थापन कार्यदल गठन समेत नेफ्स्कूनले जारी गरेको मार्गसनर्देशनमा भनिएको छ ।

प्रविधिमा आधारित भुक्तानी सेवाहरु उपयोगमा प्रोत्साहन गर्न भुक्तानी सिमा बृद्धि तथा शुल्क छुटको व्यवस्था गर्न समेत निर्देशन दिएको छ । ६ महिनासम्म ऋणको किस्ता र व्याज भुक्तानी प्राप्त नभएपनि उक्त ऋणको खोजिम व्यवस्थापन गर्नु नपर्ने समेत नेफ्स्कूनले बताएको छ ।

नेपाल बचत तथा ऋण केन्द्रीय सहकारी संघ लिमिटेड (नेफ्स्कून)द्वारा सदस्य संघ/संस्थाहरु कालागि महामारीमा सहकारी सेवा व्यवस्थापन सम्बन्धि जारी गरिएको मार्गदर्शन २०७६