बेदकोटका १३ सहकारीले गरे विपत् कोषमा ३ लाख ६६ हजार सहयोग

कञ्चनपुर, २६ चैत

बेदकोट नगरपालिका भित्रका सहकारी संस्थाहरुले बेदकोट नगरपालिकाको विपत व्यवस्थापन कोषमा आर्थिक सहयोग गरेका छन् ।

वेदकोट नगरपालिका भित्रका लकडाउनमा परी समस्यामा परेका गरिब, मज़दुर, विपन्न परिवारलाई राहत उपलब्ध गराउन आर्थिक सहयोग गरेको सहकारी सन्जालका अध्यक्ष धर्मराज जोशीले जानकारी दिनुभयो । अध्यष जोशीको पहलमा विभिन्न सहकारी संस्थाहरुले हालसम्म ३ लाख ६६ हजार ८ सय ७ रुपैयाँ रक़म जम्मा गरेका हुन् ।

साना किसान सहकारीहरुले खाद्य सामग्री उपलब्ध गराएका छन् भने अन्य सहकारीले कोषमा चेक हस्तान्तरण गरेका छन् । लकडाउनका कारण सहकारीले पटक पटक गरी रकम जमा गरेका छन् ।

आजसम्म १३ वटा संस्थाले सो रक़म सहयोग गरेका र बाँक़ी सहकारीले पनि सहयोग गर्ने प्रतिबद्धता गरेको तथा निरन्तर सहयोग गरिराखेका सन्जाल अध्यक्ष धर्मराज जोशीले बताउनुभयो ।

बेदकोट नगर सहकारी सन्जालका अध्यक्ष धर्मराज जोशीले विपत्को यस अवस्थामा आफ्नो क्षमता अनुसार स्वेच्छिक रुपमा सहयोग गर्न सबै सहकारीहरुलाई अनुरोध समेत गरेका छन् ।