यस्तो बन्दैछ नेफ्स्कून तालिम केन्द्र, भयो शिलान्यास

काभ्रे, ३ पुस ।

काभ्रेको बनेपा नगरपालिका–१२ बासडोलमा नेपाल बचत तथा ऋण केन्द्रीय सहकारी संघ (नेफ्स्कून) तालिम केन्द्रको शिलान्यास भएको छ । नेफ्स्कूनले सदस्य संघ/संस्थाहरूलाई सहजै तालिम प्रदान गर्ने उद्देश्यले २० रोपनी जग्गामा सुविधासम्पन्न तालिम केन्द्र बनाउन लागेको हो ।

तालिम केन्द्रको राष्ट्रिय सहकारी महासंघका अध्यक्ष केशव बडालले शिलान्यास गरेका छन् । सो अवसरमा बडालले काम शुरुवात गर्नु भन्दा सम्पन्न गर्न निकै चुनौती रहेको उल्लेख गर्दै सबैको साथ र सहयोगमा योजना अनुरूप समयमै काम सम्पन्न गर्न शुभकामना दिए ।

त्यसैगरी नेफ्स्कूनका पूर्व कोषाध्यक्ष नानीबाबु बुढाथोकीले व्यक्तिगत रूपमा ५५ हजार रूपैयाँ सहयोग प्रदान गर्ने प्रतिबद्धता व्यक्त गरेका छन् ।