सहकारीको नियमन गर्न छुट्टै निकाय आवश्यकः अर्थमन्त्री

काठमाडौं, ३ पुस ।

अर्थमन्त्री डा. युवराज खतिवडाले सहकारी संस्थाहरुको नियमन गर्नको लागि छुट्टै संस्था आवश्यक रहेको बताएका छन् ।

राष्ट्रिय सहकारी बैकको १६ औं वार्षिक साधारणसभामा बोल्दै अर्थमन्त्री खतिवडाले सहकारी संथाहरुले आफुलाई राष्ट्र बैंकले अनुगमन गरोस् भन्ने चाहेको तर त्यो सम्भव नहुने बताए ।

‘राष्ट्र बैंकले बैंक तथा वितिय संस्थालाई मात्रै अनुगमन गर्छ’, उनले भने, ‘सबै सहकारीलाई नियमन गर्न छुट्टै नियामकको आवश्यक छ ।’

कार्यक्रममा मन्त्री खतिवडाले सहकारलाई कम्पनीको मोडलमा नजान सुझाव दिएका छन् । उनले भने, ‘सहकारी कम्पनी मोडलमा जाने भए सहकारी मोडल छोडनुपर्छ, दुईवटा नाउमा खुट्टा नराख्नु ।’

उनले सहकारीलाई सिमित सहकारीको काम गर्न पनि आग्रह गरे ।