सात साकोसले पायो प्रोबेसन ब्राण्ड

काठमाडौं : सात वटा बचत तथा ऋण सहकारी संस्थाले पूर्ण तथा व्यवसायिक साकोस विकास कार्यक्रम (प्रोबेशन) ब्राण्ड प्राप्त गर्न सफल भएका छन् ।

बचत तथा ऋण सहकारी संस्था स्तरीकरण कार्यक्रमअन्तर्गत नेपाल बचत तथा ऋण केन्द्रीय सहकारी संघ लि. (नेफ्सकून) ले आर्थिक वर्ष २०८१/८२ का लागि प्रोबेसन ब्राण्ड प्राप्त गर्ने संस्थाहरू घोषणा गरेको हो ।

यस वर्ष ग्रामीण साकोस सल्यान, ज्ञानज्योती महिला उत्थान साकोस काठमाडौं, जनसेवा साकोस कास्की, लोककल्याणकारी साकोस चितवन, स्वस्तिक साकोस सर्लाही, ठेचो महिला जागरण साकोस ललितपुर र विजय फुलबारी साकोस प्युठान ले प्रोबेसन ब्राण्ड प्राप्त गरेका छन् ।

नेफ्सकूनको ३४औँ वार्षिक साधारण सभा अवसरमा शुक्रबार ब्राण्ड प्राप्त गर्ने संस्थाहरूलाई औपचारिक रूपमा प्लेग वितरण गरिएको हो ।