एकिकृत, शुभलक्ष्मी र सृजना सहकारी बीच एकीकरण, अध्यक्षमा नारायणदत्त तिमल्सिना

ललितपुर : ललितपुरको एकिकृत बचत तथा ऋण सहकारी संस्था, शुभलक्ष्मी बचत तथा ऋण सहकारी संस्था र काठमाडौंको सृजना को–अपरेटिभ लिमिटेड एकीकरण भएको छ ।

तीन वटा सहकारी बीच एकीकरण भई सृजना बचत तथा ऋण सहकारी संस्था कायम भएको छ । संस्थाको मुख्य कार्यालय कुमारीपाटी कायम भएको छ । संस्थाले आवश्यक प्रकृया पुरा गरी बागमती प्रदेश सहकारी मन्त्रालयबाट माघ १५ गते संस्था एकीकरणको स्विकृती समेत लिईसकेको छ ।

संस्था एकीकरण पछिको तर्दथ समितिको अध्यक्षमा नारायणदत्त तिमल्सिना चयन हुनुभएको छ । त्यस्तै वरिष्ठ उपाध्यक्षमा प्रेमदेवी देशार, उपाध्यक्षमा शुभद्रा घिमिरे, सचिवमा जनार्दन फुयाल, कोषाध्यक्षमा रामप्रसाद तिमल्सिना र सदस्यहरुमा अनिता पोखरेल र दुर्गा घिमिरे चयन हुनुभएको छ ।

त्यस्तै लेखा समितिको संयोजकमा प्रमिला खत्री तथा सदस्यहरुमा अन्जु आचार्य र तुलसा संजेल रहनुभएको छ ।