आवास विशिष्टीकृत सहकारी संघको तर्दथ समिति गठन, सेयर पूँजी १ अर्ब

काठमाडौं : आवास क्षेत्रमा काम गर्ने उद्देश्यका साथ विशिष्टीकृत सहकारी संघ स्थापना हुने भएको छ ।

संघको नाम समृद्ध आवास विशिष्टीकृत सहकारी संघ लिमिटेड प्रस्ताव गरिएको छ । काठमाडौंमा आज (सोमबार) भएको भेलाले तर्दथ समिति समेत गठन गरेको छ । संघको कार्यालय काठमाडौं महानगरपालिका–१० अन्तर्गत रहने छ ।

तदर्थ समितिको अध्यक्षमा प्रदीप थापा चयन हुनुभएको छ । उहाँ विन्धवासिनी बचत तथा ऋण सहकारी संस्था, काभ्रेको प्रतिनिधित्व गर्दै तर्दथ समितिको अध्यक्ष बन्नुभएको हो । प्रारम्भिक भेलामा ३० वटा सहकारी संस्थाको प्रतिनिधित्व रहेको छ । संस्थाहरुले २५ लाखदेखि १ करोड रुपैयाँसम्म सेयर राखेका छन् । तर्दथ समितिको उपाध्यक्षमा उद्धव सापकोटा, महासचिवमा विकल्प पाठक, कोषाध्यक्षमा राजकुमार लामा रहनु भएको छ ।

 

संघको कार्यक्षेत्र देशभर रहने छ । तदर्थ समितिमा सातै प्रदेशको प्रतिनिधित्व रहेको छ । संघको सञ्चालक समिति १३ सदस्यीय रहने बताईएको छ । संघको सेयर पुँजी १ करोड रुपैयाँ हुने जनाईएको छ ।

संघले आवास क्षेत्रमा काम गर्नेछ । संघले आधुनिक सहर निमार्ण गर्ने परिकल्पना गरेको छ ।

प्रारम्भिक भेलामा राष्ट्रिय सहकारी महासंघका अध्यक्ष प्रमुख अतिथि रहनुभएको थियो । त्यस्तै राष्ट्रिय सहकारी बैंकका अध्यक्ष केबी उप्रेती पनि कार्यक्रममा सहभागी हुनुहुन्थ्यो ।