किसान रजत वर्ष अफर : स्मार्ट फोन, २५ जनालाई ५ सय २५ रुपैयाँको टपअप र २५ प्रतिशत क्यास ब्याक

कैलाली, ६ कात्तिक

कैलालीको लम्कीचुहा–१ मा केन्द्रीय कार्यालय रहेको किसान बहुउद्देश्यीय सहकारी संस्थाले सदस्यहरुको लागि ‘किसान रजत वर्ष अफर’ सार्वजनिक गरेको छ ।

संस्थाले सार्वजनिक गरेको नयाँ अफरमा डिजिटल बैंकिङ्ग माध्यामबाट कारोबार गर्दा २५ जनाले ५ सय २५ रुपैयाँको टपअप प्राप्त गर्ने जनाएको छ । यो योजना कात्तिक ५ गतेदेखि मंसिर ३० गतेसम्म रहने संस्थाले जनाएको छ । यस अवधिमा संस्थाको ‘किसान मोबाईल बैंकिङ’ प्रयोग गर्ने सदस्यहरु मध्येबाट २५ जना भाग्यशाली बिजेताले ५ सय २५ रुपैयाँको टपअप प्राप्त गर्नेछ ।

त्यस्तै संस्थाले डिजिटल बैंकिङ्ग माध्यामबाट कारोबार गर्ने एक जना भाग्यशाली बिजाताले स्मार्ट फोन समेत प्राप्त गर्ने संस्थाले जनाएको छ ।

त्यस्तै संस्थाले डिजिटल बैंकिङ्ग माध्यामबाट कारोबार गर्नेहरुका लागि २५ प्रतिशत क्यास ब्याकको अफर ल्याएको हो । यो अफर पनि कार्तिक ५ गतेदेखि मंसिर ३० गतेसम्म रहनेछ ।

संस्थाको मोबाईल बैंकिङ्गमार्फत पहिलो १ हजार रुपैयाँसम्मको टपअपमा २५ प्रतिशत क्यास ब्याक पाईने संस्थाले जनाएको छ । त्यसपछिका टपअपमा ३ प्रतिशत क्यास ब्याक पाईने संस्थाले जनाएको छ ।