लेखनाथ साकोसको १२ औं साधारण सभा सम्पन्न

पोखरा, २९ असोज

पोखरा–२६ स्थित लेखनाथ बचत तथा ऋण सहकारी संस्थाले आफ्नोे १२ औं बार्षिक साधारण सभा सम्पन्न गरेको छ ।

एक साता लगाएर सदस्यको सुझाव संकलन गरी बुधबार कार्यसमितिका पदाधिकारी, विभिन्न उप–समिति र सल्लाहकारहरुको सामूहिक भेलाले प्रतिवेदन उपर छलफल गरि परिमार्जनसहित साधारण सभा सम्पन्न गरेको हो ।

संस्थाका अध्यक्ष खडानन्द लामिछानेले भावी योजना प्रस्तुत गर्नुभएको थियो । त्यस्तै, कोषाध्यक्ष किरणराज पौडेलले आर्थिक प्रतिवेदन पेश गर्नुभएको थियो ।

कार्यक्रममा पोखरा महानगरपालिका वडा नं २७ का वडाअध्यक्ष पुर्णकुमार गुरुङले सहकारीका संचालकहरु स्थानीय भएकाले विश्वासको आधारमा सहकारीहरु संचालन भएको धारणा राख्दै सेयर सदस्यको लगानीलाई सुरक्षित गर्न सहकारीहरुले उत्पादनशील क्षेत्रमा लगानी बढाउनु पर्ने सुझाव दिनुभयो ।