आइसीएले गोष्ठी, भ्रमणका कार्यक्रम नगर्ने

काठमाडौं : अन्तर्राष्ट्रिय सहकारी महासंघ (आईसिए) को भर्चुअल बोर्ड बैठक १२ अक्टोबर २०२० मा सम्पन्न भएको छ । सो बैठकमा राष्ट्रिय सहकारी महासंघका वरिष्ठ उपाध्यक्ष तथा अन्तर्राष्ट्रिय सहकारी महासंघका ग्लोबल बोर्ड सदस्य ओमदेवी मल्ल सहभागी भई विभिन्न विषयमा आफ्नो धारणा राख्नुभएको थियो ।

सो बैठकले ११ सेप्टेम्बरका दिन बसेको आइसीएको अनलाइन भर्चुअल मिटिङले निर्णय पास गरेको छ । सो बैठकमा २०२० को दोस्रो चौमासिकसम्मको आर्थिक गतिविधि तथा आयव्ययको जानकारी गराइएको थियो । हाल महामारीको अवस्थालाई ध्यानमा राखेर ग्लोबल र रिजनल अफिसहरु संचालन गर्न लाग्ने आवश्यक खर्चहरु बाहेक गोष्ठी, सेमिनार भ्रमणजस्ता कार्यक्रम नगर्ने निर्णय भएको छ ।

साथै कार्यालय समेत मितव्ययी रुपमा संचालन गर्न निर्देशन दिइएका महासंघका वरिष्ठ उपाध्यक्ष मल्लले बताउनुभयो । बोर्डको समय अवधि आउँदो १६ नोभेम्बर २०२१बाट सकिने भएपछि २०२२ को अप्रिल वा जुनमा चुनावी साधारण सभा गर्ने निर्णय भएको छ । ‘कोभिड १९को जटिल अवस्थाका कारण चुनावी साधारण सभा केहि पर सार्ने निर्णय भएको हो,’ मल्लले भन्नुभयो । आइसएि बोर्ड सदस्य तथा अष्ट्रेलिन नागरिक ग्रेर्ग बालले डटकोपको सदस्यबाट दिएको राजीनामा आइसीएको बोर्ड बैठकले स्वीकृत गरेको छ ।

आइसीएको सेक्टनल अर्गनाइजेसनका बोर्ड प्रतिनिधि सदस्य तथा कोरियन नागरिक किम वेयाङ वङ्गले बोर्ड सदस्यबाट प्रशासनिक कारण देखाउँदै दिएको राजीनामा स्वीकृत गरिएको छ । अब नोभेम्बर १०मा बोर्डको भर्चुअल बैठक बस्ने भएको छ ।