किसान बहुउद्देश्यीय सहकारीद्वारा निबन्ध लेख्न आव्हान, प्रथम पुरस्कार १५ हजार

कैलाली, २२ असोज

लम्की चुहा–१ कैलालीमा मुख्य कार्यालय रहेको किसान बहुउद्देश्यीय सहकारीले निबन्ध लेखन प्रतियोगितामा सहभागिता जनाउन आव्हान गरेको छ ।

‘महिला सशक्तिकरणमा सहकारीको भूमिका’ विषयमा जिल्ला स्तरिय निबन्ध लेखन प्रतियोगिता आयोजना गरेको हो । निबन्ध बढीमा एक हजार शब्दको हुनुपर्ने संस्थाले जनाएको छ । निबन्ध लेखनमा सहभागी हुने व्यक्तिले कात्तिक १ गतेसम्म संस्थाको इमेलमा निबन्ध पठाउनु पर्ने संस्थाले जनाएको छ ।

पुरस्कृत निवन्ध संस्थाको ‘रजत जयन्ती स्मारिका’मा प्रकाशन हुने संस्थाका महाप्रबन्धक डम्बर बहादुर शाहले जानकारी दिनुभयो । उत्कृष्ठ निबन्धले प्रथम पुरस्कार १५ हजार, दोस्रो १० हजार र तेस्रो पुरस्कार ५ हजार पाउने छ ।

निबन्ध darpan@kisancoop.coop.np मा पठाउन सकिने संस्थाले जनाएको छ ।