पाठ्यक्रममा सहकारी विषय समावेश गरिने

काठमाडौं, १९ असोज

शिक्षा, विज्ञान तथा प्रविधि मन्त्रालयका सचिव गोपीनाथ मैनालीले सहकारी क्षेत्रको प्रवद्र्धन र विकासका लागि औपचारिक पाठ्यक्रममा सहकारी विषय समावेश गरिने बताउनु भएको छ । सहकारी विद्यालय संचालनका लागि आवश्यक कानुन संशोधन गर्ने समेत उहाँले प्रतिवद्धता जनाउनु भएको छ ।

राष्ट्रिय सहकारी महासंघका अध्यक्ष मीनराज कंडेलको नेतृत्व शिक्षा मन्त्रालय पुगेको प्रतिनिधिमण्डल र सचिव मैनालीबीचमा भएको भटेमा उहाँले यस्तो बताउनुभएको हो ।

महासंघका निवर्तमान अध्यक्ष केशव वडाल, उपाध्यक्ष रमेश प्रसाद पोखरेल, महाप्रवन्धक चित्रा कुमारी थाम्सुहाग सुव्वाको प्रतिनिधिमण्डलले सचिव मैनालीलाई मन्त्रालयमा भेटी बधाई तथा सफल कार्यकालको शुभकामना समेत दिएको थियो ।