सर्वशुलभ सहकारीद्वारा तोरी मिल संचालन, महानगरको ५० प्रतिशत लागत साझेदारी

भरतपुर, १८ असोज

भरतपुर महानगर–६ मा रहेको सर्वशुलभ सहकारीले तोरी मिल संचालन गरेको छ । आज एक कार्यक्रमका बीच भरतपुर महानगर प्रमुख रेणु दाहालले मिलको उद्घाटन गर्नुभयो ।

मेयर रेनु दाहालले भरतपुर महानगरपालिकाले कृषि क्षेत्रको समग्र विकासको लागि विभिन्न कार्यक्रममा केन्द्रित रहेको बताउनु भयो । उहाँका अनुसार कृषि अनुदान, कृषि परियोजनामा महानगरले लगानी गरिरहेको छ ।

तोरी मिल भरतपुर महानगरको कृषि तथा पशुपक्षी शाखाको ५० प्रतिशत साझेदारीमा संचालनमा आएको हो । मिलको लागत ६ लाख १८ हजार २ सय १७ रुपैया छ । भरतपुर महानगरको ३ लाख ५० हजार र सस्थाको २ लाख ६८ हजार २ सय १७ रुपैया लगानी छ । १४ वर्ष अघि स्थापना भएको सस्थामा ३० महिलासहित १ सय ६९ जना सदस्य छन् ।

सहकारीले धान, गहुँ, मकै, मसला आदि कुटानी पिसानी गर्दै आएको छ ।