कोरोना संक्रमणबाट विन्धवासिनी साकोसका अध्यक्ष पराजुलीको निधन

काठमाडौं, १६ असोज

सुनसरी जिल्लाको इटहरीस्थित विन्धवासिनी बचत तथा ऋण सहकारी संस्थाका अध्यक्ष शिव पराजुलीको कोरोना संक्रमणबाट निधन भएको छ ।

६० बर्षिय पराजुली सहकारीकर्मीसँगै होटल व्यवसायी समेत हुनुहुन्थ्यो । विगत ९ बर्षदेखि विन्धबासिनी साकोसको सञ्चालक रहँदै आउनुभएका पराजुलीले गत २ बर्षदेखि अध्यक्षको जिम्मेवारी सम्हाल्नुभएको थियो ।

उहाँले मोरङस्थित विराट मेडिकलमा पीसीआर परीक्षण गराउनुभएको थियो । ज्वरो अध्याधिक बढेसँगै सुनसरीको धरान नगरपालिकास्थित वी.पी.कोइराला स्वास्थ्य विज्ञान प्रतिष्ठानको आइसीयू कक्षमा असोज १३ गते बाटै उपचाररत हुनुहुन्थ्यो । १४ गते कोरोना परीक्षणको रिपोर्ट पोजेटिभ आएकै दिन राती उहाँको निधन भएको हो ।

उहाँको निधनले विन्धवासिनी साकोसको सेवा तीन दिन बन्द गरिएको संस्थाका व्यवस्थापक प्रकाश आचार्यले बताउनुभयो ।