एक वडा एक दलित सहकारी

खोटाङ : खोटाङको दिप्रुङ चुइचुम्मा गाउँपालिका–३ छोरम्बुमा फरक प्रकृतिको सहकारी सञ्चालनमा आएको छ । गाउँपालिकाको सहयोगमा ‘दलित बचत तथा ऋण सहकारी संस्था’ स्थापना गरि सञ्चालनमा आएको छ । दलित परिवारलाई बचत गर्ने तथा बचतलाई आम्दानी र व्यवसायमूलक क्षेत्रमा लगानी गर्ने बानीको विकास गराउन गाउँपालिकाले ‘एक वडा, एक दलित सहकारी संस्था’ नीति अनुरुप सहकारी गत चैतमा स्थापना गरेको हो ।

गाउँपालिकाको आर्थिक वर्ष २०७६र७७ को वार्षिक कार्यक्रमअन्तर्गत छोरम्बुमा स्थापना भएको सहकारीमा सो गाउँपालिकाको ५० हजार बीउ पूँजी रहेको छ । स्थानीय पदमबहादुर परियारको अध्यक्षतमा सात सदस्यीय सञ्चालक समिति रहेको सहकारीमा स्थापनाकाल मै ४२ सदस्य पुगेको थियो । हाल यस संस्थाले नियमिति रुपमा कारोबार गरिरहेको छ ।