कोन सामुदायिक साकोसले ३ लाखसम्म सापटी दिने, ब्याजदर पनि घटायो

पोखरा, १३ असोज

पोखरा–१३ भद्रकाली चोक स्थित कोन सामुदायिक बचत तथा ऋण सहकारी संस्थाले सदस्यहरुलाई ३ लाख रुपैयाँसम्म सापटी दिने भएको छ । ‘आपत्कालिन सापटी’ शिर्षकमा ३ महिनासम्मको लागि सापटी दिने निर्णय संस्थाले गरेको छ ।

उक्त सापटी लिए बापत सदस्यले ब्याज, सेवा शुल्क बापत कुनै पनि शुल्क लिने छैन् । तर, सदस्यले लगेको सावाँ भने तीन महिना भित्र फिर्ता गर्नुपर्ने हुन्छ । त्यसैगरी संस्थाले कर्जाको ब्याजदर पनि घटाएको छ ।

सार्वजनिक गरेको नयाँ ब्याजदर अनुसार कोभिड–१९ सुरक्षा ऋण ९.९५ प्रतिशत, धन जमानत ऋण ९.९५ प्रतिशत, अन्य शिर्षकको कर्जामा ११ देखि १३.७५ रहेको संस्थाले जनाएको छ ।