सुयोग्य साकोसको नयाँ ब्याजदर सार्वजनिक, बढीमा १४ प्रतिशत

काठमाडौं, ६ असोज

सरकारले सहकारीको ब्याजदर घटाएकै भोलीपल्ट कोटेश्वर स्थित सुयोग्य बचत तथा ऋण सहकारी संस्थाले ब्याजदर घटाएको छ ।

कात्तिक १५ गतेदेखि लागू हुनेगरी सरकारले ब्याजदर घटाएको भएपनि सुयोग्य साकोसले भने असोज ५ गतेदेखि लागू हुने गरी ब्याजदर घटाएको हो ।

असोज ५ गते बसेको सञ्चालक समितिको निर्णय बमोजिम ब्याजदर घटाएको संस्थाका प्रबन्धक खड्क प्रसाद सुब्बाले जानकारी दिनुभयो ।

सरकारले तोकेको ब्याजदर बढीमा (१४.७५) भन्दा पनि कम बढीमा १४ प्रतिशत तोकेको छ । यस अघि संस्थाको ब्याजदर बढीमा १५ प्रतिशत रहेको थियो । नयाँ ब्याजदर अनुसार सामुहिक बचत धितो कर्जा, लघु कर्जा भने १३ प्रतिशत मै पाईने छ । संस्थाले व्यावसायिक कर्जा, हायर पर्चेज कर्जा, वैदेशिक कर्जाको ब्याजदर १४ प्रतिशत तोकेको छ ।