किसान सहकारीद्वारा सदस्यको परिवारलाई ४ लाख राहत वितरण

कैलाली, ५ असोज

कैलालीको लम्कीचुहामा केन्द्रिय कार्यालय रहेको किसान बहुउद्देश्यीय सहकारी संस्थाले मृतक सदस्यको परिवारलाई राहत वितरण गरेको छ ।

संस्थामा आवद्ध भई नियमित कारोबार गर्ने घोडाघोडी–१ जनकपुर निवासी स्वर्णिमा चौधरीको परिवारलाई राहात वितरण गरिएको हो ।

साईकलमा सवार चौधरीको गत जेठ २७ गते सडक दुर्घट्नामा परि निधन भएको थियो । संस्थाले मृतक चौधरीका श्रीमान् आकाश चौधरीलाई सोमबार आयोजित श्रद्धाञ्जली सभामा ४ लाख १ हजार ८ सय २९ रुपैया“ नगद वितरण गरेको हो ।