सहकारीको तरलता सम्बन्धी नयाँ कानुन, जिल्ला संघहरुमा पैसा राख्न नपाईने

काठमाडौं, ४ असोज

अब सहकारी संस्थाहरुले जिल्ला संघ र विषयगत जिल्ला संघहरुमा रहेको मौज्दात तरलतामा गणना नहुने भएको छ । त्यस्तै ‘क’ वर्ग बाहेकका बैंक तथा वित्तीय संस्थामा रहेको रकमलाई समेत तरलता नमानिने नियम सरकारले ल्याएको छ ।

नेपाल सरकारले जारी गरेको नयाँ नियन अनुसार ‘क’ वर्गको बैंक, सहकारी बैंक, साना किसान लघुवित्त वित्तीय संस्था वा विषयगत केन्द्रिय संघमा जम्मा भएको मौज्दातलाई मात्रै तरलतामा गणना गरिने भएको हो ।

कुल बचतको १० प्रतिशत नघट्नेगरी तरलता जगेडा राखेर मात्र ऋण लगानी गर्नुपर्ने समेत जनाएको छ ।

सरकारले सहकारी ऐन २०७४ को दफा १५१ को उपदफा (१) र (२) ले दिएको अधिकार प्रयोग गरी जारी गरेको बचत तथा ऋणको मुख्य कारोबार गर्ने सहकारी संस्थाहरुको सुपरिवेक्षण, निरीक्षण तथा अनुगमन निर्देर्शिका, २०७७ मा यी कुराहरु समावेश गरेको छ ।

 

बचत तथा ऋणको मुख्य कारोबार गर्ने सहकारी संस्थाहरुको सुपरिवेक्षण, निरीक्षण तथा अनुगमन निर्देर्शिका, २०७७