नौलो परिवेश साकोसका प्रवन्धक ५ करोड ६७ लाख ठगीको आरोपमा पक्राउ

काठमाडौं, २३ भदौ

न्युरोडमा स्थित नौलो परिवेश बचत तथा सहकारी संस्थाका प्रवन्धक राजकाजी खड्गी ५ करोड ६७ लाख ठगीको आरोपमा पक्राउ परेका छन् ।

२०७० असार देखि २०७७ जेठ मसान्तसम्म कार्यरत रहँदा उनले उक्त रकम हिनामिना गरेको नेपाल प्रहरीले जनाएको छ ।

महानगरीय अपराध महाशाखाबाट खटेको टोलीले लुकीछिपी बसेको अवश्थामा हिजो (२२ गते) पक्राउन गरेको हो । जिल्ला ललितपुर २३ धापाखेलबाट प्रकाउ गरी आवश्यक कारबहीको लागि महानगरीय प्रहरी परिसर टेकु पठाईएको छ ।

मुलुकी फौजदारी संहिता, २०७४ को दफा २४९ बमोजिम ठगी सम्बन्धी कसुरमा अनुसन्धानको लागि काठमाडौं जिल्ला अदालतबट २२ गतेबट लागु हुने गरी दिन ५ म्याद थप अनुमति प्रदान भै अनुसन्धान भै महाशाखाले जनाएको छ ।