सहकारी सञ्चालकको उन्नयन हुने र सदस्यको आर्थिक अवस्था झन खस्कने देखिन्छ : सचिव पाण्डे

काठमाडौं, ३२ साउन

भूमि व्यवस्था, सहकारी तथा गरिबी निवारण मन्त्रालयका सचिव टेकनारायण पाण्डे आर्थिक क्रियाकलाप अभिवृद्धि गर्न र अर्थतन्त्र चलायमान बनाउन बचत तथा ऋण सहकारीको भूमिका महत्वपूर्ण रहेको बताउनु भएको छ ।

नेफ्स्कूनको ३३ औं स्थापना दिवसको अवसरमा शुभकामना मन्तव्य राख्नुहुँदै पाण्डेले बैंक तथा वित्तीय पहुँच नपुगेको स्थानमा सहकारीको योगदान महत्वपूर्ण रहेको उहाँले बताउनुभयो । गरिबीको रेखामुनी रहेको जनताको जीवन स्तर सुधारमा सहकारीले खेलेको भूमिकाको प्रशंसा गर्नुभयो । सहकारी अभियानलाई अझै बजबुद बनाउनुपर्ने आवश्यकता रहेको उहाँले बताउनुभयो ।

सहकारीको अनुगमत केन्द्रिय तहबाट हुनु पर्ने समेत उहाँले बताउनु भयो । सदस्यको बचतलाई लिएर टाप कस्ने प्रवृती बढेको बताउनुहुँदै सचिव पाण्डेले सहकारी सञ्चालकको उन्नयन हुने र सदस्यको आर्थिक अवस्था झन खस्कने कतै कतै देखिएको बताउनुभयो । यस्ता अनियमिततालाई नियन्त्रणमा काम गर्नुपर्ने बताउनुभयो ।