नेफ्स्कून पत्रकारिता पुरस्कार सम्पादक श्रेष्ठलाई

काठमाडौं, ३२ साउन

नेफ्स्कूनले हरेक वर्ष प्रदान गर्दै आएको ‘नेफ्स्कून पत्रकारिता पुरस्कार’ यस वर्ष सहकारीखबर डटकमका सम्पादक काजी श्रेष्ठलाई प्रदान गर्ने घोषणा गरेको छ । संघले ३३ औं स्थापना दिवसको अवसरमा आज केन्द्रिय कार्यालयमा आयोजना गरेको कार्यक्रममा उक्त घोषणा गरिएको हो ।

पत्रकारिताका माध्यमबाट सहकारी क्षेत्रका सूचना र गतिविधिहरुलाई सदस्य, सञ्चालक एवं सरोकारवाला निकायहरु समक्ष उचित स्थानका साथ सम्प्रेषण कार्यमा संलग्न पत्रकारलाई उक्त पुरस्कारबाट सम्मानित गर्ने प्रचलन छ ।

पुरस्कार उपसमितिका संयोजक एवं नेफ्स्कूनका निवर्तमान अध्यक्ष डिबी बस्नेतले उक्त पुरस्कार घोषणा गर्नुभएको हो । विगत एक दशकदेखि सहकारी पत्रकारितामा सकृय श्रेष्ठसँग विभिन्न सञ्चार माध्यममा काम गरेको अनुभव छ । उहाँ हाल सहकारी टिभिका पनि सम्पादक हुनुहुन्छ ।

स्थापना दिवसमा घोषणा गरिने उक्त पुरस्कार वार्षिक साधारणसभाको अवसरमा आयोजिक कार्यक्रममा प्रदान गर्ने नेफ्स्कूनले जनाएको छ ।