उपासना महिला साकोस १२ वर्षमा

काठमाडौं, ६ साउन

नागार्जुन–४ सितापाइला स्थित उपासना महिला बचत तथा ऋण सहकारी संस्था १२ वर्षमा प्रवेश गरेको छ ।

तत्कालित डिभिजन सहकारी कार्यालय, काठमाडौंमा २०६६ साल ६ गते दर्ता भएको यस संस्था नागार्जुन नगरपालिका भित्रका एक उत्कृष्ठ समुदायमा आधारित सहकारी हो । नागार्जुन नगरपालिकाका महिलाहरुलाई सहकारीमा आवद्ध गराई बचत गर्ने बानीको विकास, रोजगारी तथा आयमूलक कार्यमा सदस्यलाई संलग्न गराउँदै आएको छ ।

महिला शसक्तिकरण अन्तर्गत महिलालाई विभिन्न प्रकारका क्षमता अभिवृद्धि गराई आर्थिक, सामाजिक एवं व्यक्तिगत रुपमा सक्षम बनाउने अभियानका उपासना सहकारी अग्रसर रहँदै आएको छ ।

संस्थाले विभिन्न बचत योजना, कर्जाका कार्यक्रमहरुका साथै सदस्यहरुको लागि विभिन्न किसिमका शिपमुलक तालिम मसते सञ्चाल गर्दै आएको संस्थाका अध्यक्ष अमरावती महर्जनले जानकारी दिनुभयो । संस्था सामाजिक क्षेत्रमा काम गर्ने अग्रणी स्थानीय सहकारी हो ।

हाल सदस्यहरुको लागि कर्जा अवधि एक वर्षबाट बढाएर तीन वर्ष पुर्याईएको अध्यक्ष महर्जनले जानकारी दिनुभयो । कोरोना महामारीको समयमा पनि संस्थाले निरन्तर सदस्यको सेवामा समर्पित रहेको उहाँको भनाई छ ।

असार मसान्तसम्म किस्ता र ब्याज बुझाउने सदस्यहरुको एक लाख बराबरको म्यादी बिमा समेत गरिएको उहाँले जानकारी दिनुभयो ।