नवकान्तिपुर साकोसले कर्जाको ब्याजदर घटायो, १३ प्रतिशत मै कर्जा दिने

काठमाडौं, २ साउन

नवकान्तिपुर बचत तथा ऋण सहकारी संस्थाले ब्यादर घटाएको छ । साउन २ गतेदेखि लागू हुनेगरी नयाँ ब्याजदर कायम गरेको हो ।

अब संस्थाका सदस्यहरुले बार्षिक १३ प्रतिशत ब्याजदरमै कर्जा सुविधा पाउने भएको छ ।

नयाँ ब्याजदर अनुसार आवास कर्जा १३ प्रतिशत, कृषि कर्जा १३ प्रतिशत, व्यवसायिक कर्जा १३ प्रतिशत र अन्य कर्जा १४ प्रतिशत कायम गरेको संस्थाका शाखा प्रबन्धक हरी प्रसाद पाण्डेले जानकारी दिनुभयो ।

सरकारले गत वर्ष साउन १९ गतेदेखि सहकारी संस्थामा १६ प्रतिशत ब्याजदर कायम गरेको थियो । सरकारले तोकेको ब्याजदरभन्दा २ प्रतिशत कमै संस्थाले लगानी गर्ने निर्णय गरेको हो ।

संस्थाले बचतमा न्युनतम ४ दशमलप ५० ब्यादर तोकेको छ भने अधिकतम १० प्रतिशत तोकेको छ ।