नेफ्स्कूनको कामु प्रमुख कार्यकारी अधिकृतमा प्रकाश पोखरेल

काठमाडौं, २३ असार

नेपाल बचत तथा ऋण सहकारी संघ (नेफ्स्कून)को कामु प्रमुख कार्यकारी अधिकृतमा प्रकाश पोखरेल नियुक्त हुनु भएको छ ।

प्रमुख कार्यकारी अधिकृत शिवजी सापकोटाको पाँच वर्षे कार्यकाल सकिएपछि उहाँले राजीनामा दिनुभएको थियो । चितवनमा २२ र २३ गते बसेको नेफ्स्कूनको बोर्ड बैठकले सापकोटाको राजीनामा स्विकृत गर्दै नायव प्रमुख कार्यकारी अधिकृत पोखरेललाई कामु सिईयोमा नियुक्ती गरेको हो ।

सापकोटाले केही दिन अघि मात्रै राजीनामा गर्नुभएको थियो । गत वर्षको असार १ गतेदेखि लागू हुनेगरी नेफ्स्कूनले नायव प्रमुख कार्यकारी अधिकृत पदमा पोखरेललाई नियुक्त गरेको थियो । एक वर्षको अवधिमा पोखरेलले गरेको कार्यसम्पादनको उच्च मुल्यांकन गर्दै नेफ्स्कून बोर्डले नयाँ जिम्मेवारी दिएको हो ।

केही समय कामु सिईयोको जिम्मेवारी दिएर सिईयो बनाउने नेफ्स्कूनको तयारी रहेको बुझिएको छ ।
`