नेफ्स्कूनलाई उत्कृष्ट सहकारी पुरस्कार

काठमाडौं, २० असार

२०७६ सालको उत्कृष्ट सहकारी संघ पुरस्कारबाट नेपाल बचत तथा ऋण केन्द्रीय सहकारी संघ लि.नेफ्स्कून सम्मानित भएको छ ।

राष्ट्रिय सहकारी महासंघले राष्ट्रिय सहकारी दिवसको अवसर पारेर वर्षेनि प्रदान गर्दै आएको उक्त पुरस्कारबाट यो पटक नेफ्स्कून सम्मानित भएको हो । २०७६ साल भरिको वित्तीय गैरवित्तीय कारोबार, प्रभाव र योगदानको आधारमा यो वर्ष नेफ्स्कून पुरस्कृत भएको हो ।

आज महासंघले अन्तर्राष्ट्रिय सहकारी दिवसको औपचारिक कार्यक्रम आयोजनासँगै पुरस्कार घोषणा र सम्मान गरेको हो ।