लकडाउन खुकुलुहुँदा पनि केही सहकारी अझै बन्द, सबै प्रकारको सेवा दिन विभागको निर्देशन

काठमाडौं, ७ असार

लकडाउन खुकुलो भए पनि कोरोनाको कारण देखाई कतिपय सहकारी संस्थाहरुले अझैपनि सेवा नदिएको गुनासो आएपछि सहकारी विभागले निर्देशन जारी गरेको छ ।

सहकारी संघ/संस्थाहरुलाई दुई सिफ्ट गरेर भएपनि निरन्तर सेवा दिन सहकारी विभागले परिपत्र जारी गरेको हो । सहकारी संघ/संस्थाबाट प्रवाह गरिने सबै प्रकारका सेवाहरु संचालन गर्न भन्दै विभागले परिपत्र जारी गरेको हो ।

सरकारले असार १ गतेबाट लकडाउनलाई केही खुकुलो गरेको र सम्पूर्ण बैंक, सहकारी, बिमा वित्तिय संस्थालगायतलाई सेवा संचालन गर्न भने पनि केही सहकारीहरु बन्द रहेको र सेवा दिन पनि आनाकानी गरेकोले विभागले परिपत्र जारी गरेको बताएको छ ।

कोरोनाको कारण देखाई कतिपय संस्थाहरुले अझैपनि सेवा नदिएको, दिन आनाकानी गरेको र सेवालाई नियमित नगरेको लिखित तथा मौखिक उजुरी आएकोले परिपत्र जारी गरेको विभागले जनाएको छ ।

विभागले आफू र सदस्यको स्वस्थ्यलाई ध्यानमा राखेर, सकेसम्म विद्युतिय माध्याम प्रयोग गरी सेवा निरन्तर दिन सहकारी संघ संस्थालाई भनेको छ ।