जेष्ट आईडियोलोजीका कर्मचारी र सञ्चालकको कोरोना बिमा

काठमाडौं, २२ जेठ

जेष्ट आईडियोलोजी बचत तथा ऋण सहकारी संस्था, काठमाडौंले संचालक समिति, सल्लाहकार, कर्मचारी, लेखा समिति र विभिन्न उप समितिका सदस्यहरुको कोरोना बिमा गरेको छ ।

कोरोनाको बढ्दो जोखिमलाई मध्यनजर गर्दै सम्पूर्ण कर्मचारीहरुको लगायत सबै समितिका पदाधिकारीहरुको कोरोना वीमा गरिएको संस्थाका प्रबन्ध सञ्चालक हेमबहादुर कार्कीले जानकारी दिनुभयो ।

प्रधान कार्यालय न्यूरोेडसँगै पेप्सीकोला र मैतिदेवी सेवा केन्द्रहरुबाट लकडाउन अवधिमा पनि निरन्तर सेवा प्रदान गर्दै आएको छ । संस्थामा कार्यरत सम्पूर्ण कर्मचारीहरुको जोखिमलाई मध्यनजर गर्दै कोरोना बिमा गरिएको कार्कीले बताउनुभयो । संस्थाका सबै कर्मचारीसहित ७३ जनाको समुहगत रुपमा बिमा गरिएको उहाँले बताउनुभयो ।

विमितले पिसिआर रिपोर्टको आधारमा कोरोना संक्रमणको रिपोर्ट पोजेटिभ देखिएमा एक लाख रुपैयाँ स्वास्थ्य खर्च पाउने तथा सो रकम लिनका लागि अस्पतालको रिपोर्ट पनि आवश्यक नपर्ने उहाँले बताउनुभयो ।