चाइना ट्रेडद्वारा १० प्रतिशत ब्याज छुट, कर्मचारीको कोरोना बिमा

काठमाडौं, २२ जेठ

महामौद्ध स्थित चाइना ट्रेड बहुउद्देश्यीय सहकारी संस्थाले सदस्यहरुलाई ब्याज छुट दिने निर्णय गरेको छ । संस्थाले ५ देखि १० प्रतिशतसम्म ब्याज रकममा छुट दिन सुरु गरेको छ ।

लकडाउनका कारण व्यवसाय ठप्प रहेको अवस्थामा संस्थाले सदस्यलाई राहत स्वरुप ब्याज रकममा छुट दिने निर्णय गरेको संस्थाका प्रमुख कार्यकारी अधिकृत राजेन्द्र कुमार श्रेष्ठले जानकारी दिनुभयो । त्यस्तै संस्थाले कर्मचारीहरुको पनि कोरोना बिमा गरिदिएको छ ।

संस्थाले उच्च सर्तकता अपनाई दैनिक सेवा प्रवाह गरिरहेको छ । बिहान १० बजेदेखि २ बजेसम्म कार्यालय खोली सेवा प्रवाह गरेको श्रेष्ठले जानकारी दिनुभयो । त्यस्तै मोबाईल बैंकिङ सेवालाई उच्च प्राथमिकता दिएर आफ्नो सेवालाई निरन्तरता दिएको छ । मोबाईल बैंकिङ सेवा नलिएका सदस्यको हकमा घरमै बसेर सेवा लिन सकिने व्यवस्था संस्थाले मिलाएको छ । सामान्य प्रक्रिया पुर्याएर मोबाईल बैंकिङ सेवा लिन सकिने संस्थाले जनाएको छ । लकडाउनको समयमा मोबाईल बैंकिङ प्रयोग गर्ने सदस्यको संख्या बढेको संस्थाले जनाएको छ ।

संस्थाको मोबाईल बैंकिङ सेवा प्रयोग गरी सदस्यले रिर्जाज, खानेपानी तथा विजुलीको बिल, रकम ट्रान्सफर लगायत धेरै सुविधा घरबाटै लिन सक्दछन् । संस्थाले सरकारले तोकेको ब्याजदरभन्दा पनि सस्तोमा संस्थाले कर्जा प्रवाह गर्दै आएको छ । संस्थाबाट १४ प्रतिशत व्याजदरमै समेत कर्जा प्रवाह हुँदै आएको छ ।

यस संस्था एशियाली ऋण महासंघ (अक्कु)को सहयोगी सदस्यता हो । त्यस्तै आईएसओ सर्टिफाइडको समेत प्रक्रियामा यस संस्था रहेको छ । त्यस्तै राष्ट्रिय सहकारी बैंकले सुरु गरेको स्तरीकरण कार्यक्रममा समेत यस संस्थाको सहभागिता रहेको छ ।