नवजीवन सहकारी संस्थाद्वारा कर्मचारी, सञ्चालकको कोरोना बिमा

कैलाली, १६ जेठ

धनगढीमा प्रधान कार्यालय रहेको नवजीवन सहकारी संस्थाले सम्पूर्ण कर्मचारीहरुको कारोना बिमा गराएको छ ।

त्यस्तै सञ्चालक समिति, लेखा समिति, जिल्ला प्रतिनिधि र सल्लाहकारहरु समेतको बिमा गराएको छ । संस्थामा कुल १ सय ३ जना कर्मचारी रहेका छन् । त्यस्तै सञ्चालक समिति, लेखा समिति, जिल्ला प्रतिनिधि र सल्लाहकारहरु गरी कुल १ सय २७ जनाको कोरोना बिमा गराएको संस्थाले जनाएको छ ।

संस्थाले भाखा नाघेको ऋणको समयसिमा असार मसान्तसम्मलाई सारेको छ । लकडाउन अवधिमा हर्जना नलाग्ने समेत संस्थाले निर्णय गरेको छ ।