सुनौलो साकोसका सम्पूर्ण कर्मचारीको कोरोना बिमा, सदस्यलाई विशेष छुट प्याकेज

पोखरा, १५ जेठ

पोखरा महानगरपालिका–६ बैदाम स्थित सुनौलो बचत तथा ऋण सहकारी संस्थाले सम्पुर्ण कर्मचारी को कोरोना बिमा गराएको छ ।

कोरोना भाइरस (कोभिड–१९) संक्रमणको जोखिम बढेकाले सम्पूर्ण कर्मचारीहरुको कोरोना बिमा गरिएको संस्थाका व्यवस्थापक गिरिधारी ढकालले जानकारी दिनुभयो ।

संस्थाले लकडाउनको सुरुवात देखि नै हप्तामा २ देखि ३ दिनसम्म सदस्यहरुलाई वित्तीय सेवा प्रदान गर्दै आएको छ ।

संस्थाले सदस्यलाई राहत होस भन्ने उद्देश्यले ऋणको ब्याजदर घटाउने निर्णय सहकारीहरुमै पहिलोपटक गरेको थियो । ऋणको प्रकृति हेरी १४ देखि १६ प्रतिशतसम्म ब्याज लिने गरिएकोमा अब १२ देखि १४ प्रतिशतसम्म व्याज लिइने निर्णय संस्थाले गरेको थियो ।

पुराना प्रदान गरिएको ऋण र नयाँ ऋण दुबैमा लागु हुने गरी ब्याजदर घटाउने निर्णय गरिएको ढकालले बताउनुभयो । यस संस्थामा १ हजार ३ सय सदस्य आवद्ध छन् । सहकारीले १७ करोड रुपैयाँ ऋण लगानी गरेको छ ।

संस्थाले पोखरा माहानगर कोभिड कोषमा १५ हजार ५ सय ५५ रुपैयाँ समेत सहयोग गरेको छ । लकडाउन अवधिभर कर्जामा कुनै विलम्ब शुल्क नलाग्ने समेत संस्थाले जनाएको छ ।