सहकारीका उत्कृष्ठ व्यवस्थापकको जमघट हुँदै, देशभरका सहकारीकर्मी जोडिन सकिने

पोखरा, १५ जेठ

कोअपरेटिभ म्यानेजर्स क्लब, कास्कीको आयोजनामा ‘महामारीमा जनशक्ति व्यवस्थापन तालिम’ भोली (जेठ १६ गते) हुने भएको छ ।

साथै सोही कार्यक्रमसँगै सहकारी अभियान्ताहरु र प्रमुख कार्यकारी अधिकृतहरुसँगको अन्तक्र्रिया समते हुने भएको छ । बिहान ११ बजेदेखि सुरु हुने कार्यक्रममा देशभरका सहकारीकर्मीहरु तथा कर्मचारीहरु सहभागिता जनाउने पाउने छन् ।

‘महामारीमा जनशक्ति व्यवस्थापनाः संस्थागत धारण’का विषयमा सहकारी बैंककका प्रमुख कार्यकारी अधिकृत बद्री गुरागाई र नेफ्स्कूनका प्रमुख कार्यकारी अधिकृत शिवजी सापकोटाको प्रस्तुती रहनेछ ।

त्यस्तै ‘महामारीमा जनशक्ति व्यवस्थापन’ विषयमा पोखरा रोयल साकोसका प्रमुख कार्यकारी अधिकृत भिम गुरुङको कार्यपत्र प्रस्तुत हुनेछ । ‘महामारीमा जनशक्ति व्यवस्थापनः संस्थागत अनुभव’का विषयमा विकू साकोसका प्रमुख कार्यकारी अधिकृत माधव प्रसाद पौडेल, चन्द्रागिरि साकोसका प्रमुख कार्यकारी अधिकृत कृष्णकुमार श्रेष्ठ र सामुदायिक साकोसका प्रमुख कार्यकारी अधिकृत बदन बस्नेतको प्रस्तुती रहने आयोजक संस्थाले जनाएको छ ।

त्यस्तै कार्यक्रमको वक्ताहरुमा जिल्ला सहकारी संघ, कास्कीका अध्यक्ष रविरमण तिवारी, जिल्ला बचत संघका अध्यक्ष भेषराज बराल र पोखरा महानगरपालिका सहकारी समितिका अध्यक्ष तेजनारायण अधिकारी रहनुभएको छ ।

तालिम कार्यक्रममा जुम एप र फेसबुकमार्फत सहभागिता जनाउन सकिने जनाएको छ ।