शिखरदीप सहकारीले दियो किसानलाई मिनि टिलर

काठमाडौं, १४ जेठ

भक्तपुरमा मुख्य कार्यालय रहेको शिखरदीप बहुउद्देश्यीय सहकारी संस्थाले गुल्मीमा रहेको आलु पकेट क्षेत्रकालागि मिनि टिलर (हाते ट्रयाक्टर) वितरण गरेको छ ।

संस्थाले शिखर दिप एग्रो प्रा.लि. बुटवलसँगको सहकार्यमा मिनि टिलर वितरण गरेको हो । संस्थाले जेठ १३ गते गुल्मीको छत्रकोट गाउँपालिका वडा नम्बर ४ मा रहेको वोहा अद्याह मनवाकको आलु पकेट क्षेत्र संचालक समितिलाई एभरेष्ट ब्राण्डको मिनि टिलर वितरण गरेको जनाएको छ ।

संस्थाले अघिल्लो आर्थिक वर्षमा पनि सहुलियत दरमा कृषकलाई हाते ट्रयाक्टर वितरण गरेको थियो । कृषकलाई चलाउन र मर्मत गर्ने तरिका समेत सिकाई दिएपछि कृषक निक्कै उत्साहित भएको र शिखरदीपका उत्पादन प्रयोग गर्न रुचाएको संस्थाका मुख्य प्रवन्धक लिलानाथ गौतमले जानकारी दिनुभयो । कृषकको उत्साह देखेपछि निरन्तर मर्मत र आवश्यक सहयोग पनि गर्ने गरेको गौतमको भनार्इ छ ।