धनवर्षा सहकारीद्वारा सम्पूर्ण सदस्यको कोरोना बिमा र ब्याज छुट

बुटवल, १३ जेठ

रुपन्देहीको बुटवल उपमहानगरपालिका–२ मैनानगरमा रहेको धन वर्षा बचत तथा ऋण सहकारी संस्थाले सदस्यहरुलाई व्याज छुट दिनुका साथै कोराना बिमा गराएको छ ।

सहकारीले आफ्ना सबै शेयर सदस्यहरुका लागि कोरोना बिमा गराईसकेको छ । विश्भर फैलिएको कोरोना भाइरसका कारण नेपालमा लगातार भएको लकडाउनका कारण मारमा परेका आफ्ना शेयर सदस्यहरुका लागि सहकारीले व्याज सहुलियत तथा छुटको कार्यक्रम समेत ल्याएको छ ।

आर्थिक अवस्था कमजोर भएकाले ऋणी शेयर सदस्यहरुका लागि १० देखि १२ प्रतिशत व्याज छुट गरिएको सहकारीका कोषाध्यक्ष खेमराज आचार्यले जानकारी दिनुभयो ।

सदस्य र समूदायको हितमा काम गर्दै आएको धन वर्षा बचत तथा ऋण सहकारी संस्थाले गत चैत्र १ गतेदेखि आगमी असार मसन्ता सम्मको व्याजमा १० देखि १२ प्रतिशत व्याज छुट दिने कार्यक्रम ल्याएको हो । गत चैत्र २०७६ चैत्र ११ गतेदेखि लकडाउन भएपछि सहकारीमा आवद्व शेयर सदस्यहरु आर्थिक गतिविधिमा संलग्न नभएको अवस्थामा व्याज छुट गरेर सहुलियत दिइएको संस्थाले जनाएको छ ।