शिखर साकोसका कर्मचारीको कोरोना बिमा

बिर्तामोड, २१ बैशाख

शिखर बचत तथा ऋण सहकारी संस्था, बिर्तामोडले आफ्ना ३६ जना कर्मचारीको कोरोना बिमा गरिदिएको छ ।

कर्मचारीको जोखिम न्युनिकरणका लागि बिमा गरिएको संस्थाका अध्यक्ष दीपेन्द्र राउतले जानकारी दिनुभयो । नेपाल सरकारले कोरोनाको महामारी फैलिए सँगै बढिमा १ लाख सम्मकोरोना बिमा गर्न पाईने नियमसँगै संस्थाले जोखिमन्युनीकरण गर्नका लागि कर्मचारीको बिमा गरिएको अध्यक्ष राउत बताउनु हुन्छ ।

संस्थाले कोरोना महामारीमा चैत्र २६ गतेदेखि हप्ताको दुई दिन कार्यालय खोली सामाजिक दुरी कायम गर्दै सदस्यहरुलाई वित्तीय सेवा प्रदान गर्दै आएको छ । संस्थाले सदस्यलाई २५ हजारदेखि पाँचलाख सम्म भुक्तनी दिदै आएको छ ।

आईतबार र बुधबार संस्थाले दुई सेवा केन्द्रसहित मुख्य कार्यालय खुल्ला गरी सेवा प्रदान गर्ने जनाएको छ । सदस्यहरुलाई फोन गरेको अवस्थामा घर घरमै गएर पनि निरन्तर सेवा दिदै आएको छ ।

कर्मचारीहरु यस्तो अवस्थामा पनि सदस्यहरुको सेवामा हरदम तयार रहेर सुरक्षित तबरले सेवा प्रदान गर्दै आएको छ ।