अब हरेक दिन व्यवस्थापक तथा प्रतिनिधिलाई नि:शुल्क तालिम

काठमाडौं, १७ बैशाख

राष्ट्रिय सहकारी बैंकले सदस्य सहकारी संघ/संस्थाहरुका व्यवस्थापक तथा प्रतिनिधिहरुलाई निःशुल्क अनलाईन तालिम सुरु गरेको छ ।

लकडाउनको समयमा बैंकले आफ्ना सदस्य सहकारी संघ/संस्थाहरुका व्यवस्थापक तथा प्रतिनिधिहरुको दक्षता अभिबृद्धि गर्ने उदेश्यले सञ्चालन गरेको Online Basic Excel तालिम आजबाट शुरू भएको हो ।

तालिम बैशाख २४ गतेसम्म दैनिक दिउँसो २ बजेदेखि ३ः३० सम्म सञ्चालन हुने बैंकले जनाएको छ । तालिमलाई बैंकका संचालक विश्वनाथ मण्डल र बैंकका तालिम विभाग प्रमुख रामबाबु आचार्यले सहभागीहरुलाई अनलाईनमै स्वागत गर्दै शूरू गर्नुभएको थियो ।

बैंकका सूचना, प्रविधि संचार तथा प्रकाशन विभाग प्रमुख नविनकुमार कार्कीले Moderation गर्नु भएको तालिमको प्रशिक्षण सी.ए. सुरेश सिंघीले गर्नुभएको थियो ।

बैंकले सदस्य सहकारी संघ/संस्थाहरुका लागि अनलाईन प्रदान गरेको सिपमुलक यो पहिलो तालिम हो ।