विपत् ववस्थापनका लागि स्वर्णलक्ष्मी साकोसको ३ लाख सहयोग

चितवन, १५ बैशाख

स्वर्णलक्ष्मी बचत तथा ऋण सहकारी संस्थाले सामाजिक उत्तरदायित्वलाई अनुशरण गर्दै चितवन जिल्ला अन्तर्गतका विभिन्न स्थानिय निकायहरुलाई विपत् व्यवस्थापनका लागि आर्थिक सहयोग गरेको छ ।

संस्थाले भरतपुर महानगरपालिकालाई १ लाख ५१ हजार, रत्ननगर नगरपालिका, खैरहनी नगरपालिका र कालिका नगरपालिकालाइ ५१ ह्जारका दरले गरी कुल तीन लाख चार हजार रुपैयाँ सहयोग गरेको हो ।

संस्थाका अध्यक्ष कृष्णकुमार तमाङले बिगतमा पनि यस्ता किसिमका विपत् तथा विभिन्न अवसरहरु पारी सहयोग गरीरहेको र आगामी दिनहरुमा समेत गर्दै जाने बताउनुभयो ।

बन्दाबन्दी (लकडाउन) को परिस्थितिमा सदस्यहरुको आर्थिक समस्यालाई मध्यनजर गरी संस्थाले आवश्यक सतर्कता अपनाई नियमित रुपमा तालिका मिलाई सेवा प्रबाह गर्दै आईरहेको पनि उहाँले जानकारी गराउनु भयो ।

भरतपुर ०१ लायन्सचोक, चितवन स्थित मुख्य कार्यालय रहको संस्थाको रत्ननगर, खैरहनी, कालिका र चनौलीमा गरी ४ सदस्य सेवा कार्यालयहरु समेत संचालनमा रहेको छ ।