रामकोट साकोसले दियो १० प्रतिशत ब्याज छुट, कार्यालय नियमित खुल्ने

धादिङ, १३ बैशाख

निलकण्ठ–८ स्थित रामकोट बचत तथा ऋण सहकारी संस्थाले नियमित सेवा सुचारु गरेको छ । लकडाउनका कारण बन्द रहेको कार्यालय शुक्रबारबाट दैनिक ३ घण्टा मात्र सेवा दिने गरी खुलेको हो ।

संस्थाले बिहान ११ बजेदेखि २ बजेसम्म सदस्यलाई वित्तीय सेवा दिनेछ । त्यस्तै संस्थाको निर्णय अनुसार बैशाख मसान्तसम्म किस्ता बुझाउने सदस्यलाई ब्याजमा १० प्रतिशत छुट र हर्जना नलिने निर्णय गरेको संस्थाका अध्यक्ष हेमराज श्रेष्ठले जानकारी दिनुभयो ।