मेगा ड्रिम सहकारी जोखिम विश्लेषण गर्दै

काठमाडौं, १२ बैशाख

मेगा ड्रिम बहुउद्देश्यीय सहकारी संस्थाले अहिलेको परिस्थितीमा पर्न सक्ने जोखिमको विश्लेषण गर्ने भएको छ । संस्थाको सञ्चालक समितिको निर्णयले प्रवन्ध सञ्चालक महाशंकर रेग्मीको संयोजकत्वमा विपत् व्यवस्थापन उपसमिति समेत निमार्ण गरेको छ ।

समग्र जोखिमलाई विश्लेषण गरी आपत्कालिन तथा दीर्घकालिन योजना तर्जुमा गर्ने संस्थाका प्रबन्ध सञ्चालक रेग्मीले जानकारी दिनुभयो ।

त्यस्तै संस्थाले मापदण्ड तयार गर्ने, मुल्यांकन फारममार्फत सदस्यलाई आर्थिक प्याकेज र राहत प्याकेज व्यवस्था गर्ने रेग्मीले बताउनुभयो । सञ्चालक समितिले यी काम गर्न उपसमितिलाई जिम्मा दिएको छ । उपसमितिले काम समेत अघि बढाईसकेको संयोजक रेग्मीले बताउनुभयो ।

उपसमितिमा कोषाध्यक्ष इन्द्रप्रसाद गेलाल, सदस्य शेखर बस्नेत, कर्जा विभाग प्रमुख प्रदिप जोशी र सेवा केन्द्र प्रमुख पुरनबहादुर कुँवर रहनुभएको छ ।

संस्थाले चैत २६ गतेदेखि कार्यालय समेत खोली सेवा प्रदान गर्दै आएको छ । लकडाउन सुरु भएकै दिनदेखि घरदैलो सेवालाई समेत निरन्तरता दिदै आएको छ । कार्यालयबाट मात्रै सेवा लिने सदस्यको संख्या १ हजार पुगेको छ ।