सहकारीको खाताबाटै बिमाको प्रीमियम तिर्नुहोस्

काठमाडौं, ५ बैशाख

अब सहकारी संस्थाको खाताबाट बिमाको प्रीमियम तिर्न सकिने भएको छ । सहकारीका सदस्यले आफ्नै खाताबाट बिना झण्झ्ट सिधै प्रीमियम तिर्न सक्नेछन् ।

अब सहकारीका सदस्यले मोबाईल बैकिङ र ई–बैकिङमार्फत विभिन्न जीवन बिमा कम्पनीको प्रीमियम तिर्न सक्ने भएको हो । इन्फोडेभलर्पस प्रा.लि.ले विकास गरेको ‘एमडबली मोबाईल बैंकिङ’ प्लेटर्फमार्फत बिमाको प्रीमियम तिर्न सकिने कम्पनीका प्रवक्ता सुरेश कंसाकारले जानकारी दिनुभयो । कम्पनीले केही दिन अघिबाट ई–बैकिङ सेवा पनि शुभारम्भ गरेको छ ।

देशभर रहेका सहकारी संस्थाले यस्तो सेवा लिन सक्नेछ । एक महिना अघिदेखि सार्वजनिक गरेको नयाँ फिचर प्रभावकारी रुपमा प्रयोग भईरहेको छ । कम्पनीसँग देशभरका झण्डै एक हजार सहकारी आवद्ध छन् ।

साथै सहकारीका सदस्यले मोबाईल बाटै ब्यालेन्स ट्रान्फर गर्न, ब्यालेन्स चेक गर्न, स्टेटमेन्ट हेर्न, लोनको जानकारी लिन सक्छन् । त्यस्तै इन्टरनेट, टिभि, रिचार्ज, विजुलीको विल, खानेपानी बिल भुक्तानी गर्न, हवाई टिकट, स्कूल फि, क्यु आर कोड भुक्तानी (QR Code Payment) लगायतका सेवाहरु सदस्यले घरबाटै लिन सकिने कम्पनीले जनाएको छ ।