सदस्य सेवामा कटिबद्ध जेष्ट आईडियोलोजी

काठमाडौं, २७ चैत

लकडाउनको समयमा घरदैलो सेवा प्रदान गर्दै आएको जेष्ट आईडियोलोजी बचत तथा ऋण सहकारी संस्थाले स्थानीय सरकारलाई सहयोग गरेको छ । मुख्य कार्यालय र सेवा केन्द्रहरु रहेको वडा कार्यालयमा आर्थिक सहयोग गरेको हो ।

कोरोना रोकथाम, नियन्त्रण तथा राहत सहायता कोषमा संस्थाले सहयोग हस्तान्तण गर्ने निर्णय गरेको छ । मुख्य कार्यालय रहेको कामनपा २२, मैतीदेवी सेवा केन्द्र कामनपा २९ र काडाँघारी कागेश्वरी मनोहरा नगरपालिका ९ लाई २५ २५ हजार दरले सहयोग गर्ने निर्णय भएको संस्थाका प्रमुख कार्यकारी सञ्चालक हेमबहादुर कार्कीले जानकारी दिनुभयो ।

त्यस्तै सरकारले ल्याएको वर्क फर होम नीतिलाई आत्मसाथ गर्दै सदस्यलाई घरदैलो सेवा प्रदान गर्दै आएको कार्कीले बताउनुभयो ।

कोराना भाईरसको कारण चैत ११ गतेदेखि लकडाउन भएको र सदस्यलाई आईपर्ने समस्या समाधानको लागि घरदैलो सेवा सुरु गरेको संस्थाका प्रबन्ध सञ्चालक हेमबहादुर कार्कीले जानकारी दिनुभयो ।

संस्थाले सदस्यलाई आवश्यक पर्ने रकम घर घरमै पुगेर प्रदान गर्दै आएको उहाँले बताउनुभयो ।

‘यो संक्रमणको बेला आफ्ना सदस्यहरुलाई सेवा दिनुपर्छ भनेर हामीले घरदैलो सेवा सुरु गरेका हौं’, प्रमुख कार्कीले भन्नुभयो, ‘यस बीचमा हामीले करिब एक हजार सदस्यलाई फोन गरेर अवस्था र आवश्यक परे रकम घरसम्म पु¥याउन टेलिफोन संवाद गरेका छौं ।’

संस्थाले सदस्यहरुको स्वास्थ्य स्थिती, पारिवारीक अवस्था, औषधी उपचारका तथा खाद्यान्नको अवस्थाको बारे जानकारी लिएको कार्कीले बताउनुभयो ।

त्यस्तै संस्थाले डिजिटल कारोबारलाई समेत उच्च प्राथमिकतामा राखेको छ । डिजिटल कारोबार गर्न सदस्यलाई प्रोत्साहन समेत गर्दै आएको छ ।