सदस्यको सेवामा मेगा ड्रिम, कार्यालय खुला गरेर सेवा प्रवाह

काठमाडौं, २६ चैत

मेगा ड्रिम बहुउद्देश्यीय सहकारी संस्थाको कार्यालय खुला भएको छ । चैत ११ गतेदेखि लकडाउनका कारण बन्द रहेको कार्यालय आजबाट खुलेको हो ।

संस्थाको मुख्य कार्यालय बिहान ११ बजेदेखि १ बजेसम्म खोली सदस्यलाई सेवा प्रवाह गर्न थालिएको संस्थाका प्रमुख कार्यकारी सञ्चालक महाशंकर रेग्मीले जानकारी दिनुभयो ।  संस्था सदस्यप्रति सधै सँगै रहेको र विपत्तमा पनि निरन्तर सेवा प्रवाह गरीरहेको प्रमुख रेग्मीले बताउनुभयो ।

आज संस्थाको मुख्य कार्यालयबाट १३ जना सदस्यले आर्थिक कारोबार गरेको प्रमुख रेग्मीले बताउनुभयो ।

संस्थाले यस अघि सम्पर्क व्यक्ति तोकी सदस्यलाई सेवा प्रदान गर्दै आएको थियो । संस्थाले ६ जना सम्पर्क व्यक्ति तोकी दैनि उपभोग्य वस्तु, आर्थिक सहजता र खर्चका लागि सिमित रकम उपलब्ध गराउँदै आएको थियो ।

मुख्य कार्यालयबाट पायक पर्ने सदस्यले संस्थामै गएर कारोबार गर्न सकिने र असहता हुने सदस्यले सम्पर्क व्यक्तिमार्फत कारोबार गर्न सकिने संस्थाले जनाएको छ ।

संस्थाले डिजिटल कारोबारलाई उच्च प्राथमिकता दिएको छ । संस्थाका सदस्यले घरमै बसेर मोबाइल बैंकिङ्ग सेवा लिन सकिने व्यवस्था समेत मिलाएको छ ।