विकूका सबै कार्यालय खुला, निरन्तर सदस्यको सेवामा विकू

गैंडाकोट, २५ चैत

विकू बचत तथा ऋण सहकारी संस्थाको कार्यालय भोली (चैत २६) गतेबाट खुल्ने भएको छ ।

लकडाउनको समयमा सदस्यलाई परेको सम्पूर्ण समस्यालाई सम्बोधन गर्नको लागि कार्यालय खुल्ने भएको हो । बिहान ११ बजेदेखि १ बजेसम्म संस्थाका सबै सेवा केन्द्रहरु समेत खुल्नेछ ।

संस्थाले नगद झिक्न (सिमित मात्र), नगद जम्मा, ऋण भुक्तानी, रेमिट्यान्स लगायतको सेवा दिने जनाएको छ ।

संस्थाले एटिएम, मोबाईल बैकिङ निरन्तर प्रदान गर्दै आएको थियो । सदस्यको आवश्यकता र असहज परिस्थितीमा संस्थाले उपलब्ध गराउन सक्ने सेवा निरन्तर साथमा रहने संस्थाका प्रमुख कार्यकारी अधिकृत माधवप्रसाद पौडेलले जानकारी दिनुभयो । कोरोना भाईरस संक्रम र

रोकथामको लागि उच्च सर्तकता अपनाउन सदस्य लगायत सम्पूर्णमा पौडेलले आग्रह गर्नुभएको छ ।

संस्थाको निर्णय अनुसार तत्कालका लागि ३० गतेसम्म खोल्न निर्णय गरिएको छ ।