सबै स्थानीय तहलाई किसान बहुउद्देश्यीय सहकारीको साढे ६ लाख सहयोग

कैलाली, २५ चैत
लम्कीचुहा–१ कैलाली स्थित किसान बहुउद्देश्यीय सहकारी संस्थाले जिल्लाका सबै स्थानीय तहलाई सहयोग गर्ने भएको छ ।

विश्वभरी महामारीको रुपमा फैलिएको कोरोना भाईरस रोकथाम, विपन्न परिवारलाई राहत, क्वारेनटाइनमा बस्नेलाई खाना बस्न सहयोग होस् भनेर स्थानीय सरकारलाई सहयोग गर्ने निर्णय गरेको हो । जिल्लामा १३ वटा स्थानीय तह रहेका छन् ।

सबै स्थानीय तहलाई ५०/५० हजारको दरले कुल ६ लाख ५० हजार रुपैयाँ सहयोग गरेको संस्थाका महाप्रबन्धक डम्वरबहादुर शाहले जानकारी दिनुभयो । शाहको अनुसार खाद्यान्न वा रकम सहयोग सञ्चालक समितिले निर्णय गरेको हो ।